Alegiako eskolako ikasleen txokoa

Abelino Barriola sariari dagokion bidaia burutu dute 5.mailako ikasleek, urriaren 8, 9, 10 eta 11an. Egun batzuk Narbarteko “Bertiz” aterpean pasa dituzte, eta bertatik iparraldera eta Nafarroako Baztan aldera egin dituzte irtenaldiak.
Aurten , guztira (irakasle eta begiraleak barne) 102 pertsona inguru joan dira. Argazkiak ikusiz disfrutatu nahi baduzu, egin klik loturaren gainean.

Ze argazki sorta 5 urteko gelakoen neska-mutilenak. 20 argazki guztira! Entxufea ote dute? Bai zera. Oso langileak direlako eta merezi dituztelako jarri ditugu hemen. Horrela etxean ere ikusi ahal izango duzue nolako emaitzak lorten dituzten. Ondo pasa argazki sorta honekin!

Ikasturte hasierako “argazki ofiziala” atera dugu psikomotrizitate gelan. Oraindik izerditan hasi gabe eta dena txukun-txukun. Ahaztu zitzaigun ondorengoa ateratzea!

Jantokia eta sukaldearen handitze lanak amaitu zituzten (Manuel eta Dolores bizi ziren etxea aprobetxatuz), ez ordea berritzekoak. Oraingoz, Haur Hezkuntzako ikasleek jarraitzen dute musika gelan bazkaltzen, aurreko ikasturtean bezala, ez baitituzte beraientzat mahaiak ekarri. Eta Lehen Hezkuntzakoak dagokien lekuan baina, batzuk, aldi baterako jarri ditugun mahai batzuetan. Argazkiak ikusteko hemen sakatu.
Sukaldea berriz, osatu gabe jarraitzen du eta ez oso egoera onean. Lehenbailehen bukatuko duten esperantza daukagu. Ea horrela den.

Gaur ordenadore gelako saioa izan dugu eta argazkiak ateratzeaz gain, Eñautek daukan bloga ikusi dugu (baimena ematen badigu bere helbidea hemen jarriko dugu). Oraingoz, ordenadore aurreko argazkiekin konformatu behar.

Lehen Hezkuntza 5.mailako ikasleak ordenadore gelan dauzkagu txoko honetan. Gaur eskolako bloga ikusten aritu gara, 5. mailakoei buruzko informazioa bilatzen. Denek dakigunez, bloga ikusten dugunok behinik behin, datorren astelehenean, urriak 8, Narbartera lau egunetarako joango direla. Handik irtenaldiak burutuko dituzte, besteak beste, Miarritzera, Donibane-Garazira…
Ondo pasa.
Argazkiak.

Hasi gara goiz eta arratsaldez eskolan eta, honekin batera, eskola-kiroletarako entrenatzen. Aurretik ere bidali dizuegu etxeetara entrenamentuen ordutegia. Oraingoan, partidetarako egutegia azaldu nahi dizuegu orrialde honetan. Mezu honi erantsita jarri dugun fitxategian eskolan dauden bi mailako egutegiak agertzen dira, Benjaminak eta Alebinak. Benjaminetan kategoria bakarra dago; alebinetan, aldiz, nesken eta mutilen egutegiak ikusiko dituzue. Gainera, Tolosaldean eskubaloian edo saskibaloian parte hartzeko aukera izango dute gaztetxoek.
Fitxategian, hiru orrialde aurkituko dituzue: lehena, benjaminena; bigarrena, alebinena; eta hirugarrena, entrenamentuetakoa.
http://docs.google.com/Doc?id=dfznq3sw_83dm94jw

2006-2007 ikasturtean 4. mailan zeuden ikasleek Barriola deklamazio saria irabazi zuten. Urriaren 8tik 11ra, sari gisa, Nafarroako eta iparraldeko herri batzuko bisitatuko dituzte. Jarraian agertzen diren esteketan eraginez, informazio zabalagoa ikusiko duzue. Zorionak Ixone, Juan Carlos, Ander, Beñat, Mireia, Oihana, Alex, Tiago, Manex, Irati, Unai M, Unai A, Idoia, June eta… Lourdes. Abelino Barriola deklamazio saria, Ibilbidearen programa, Egutegia eta Informazio gehigarria 

Estherrek ateratako argazki berriak jarri ditugu hemen.
Zuetako norbaitek ez badu bere seme-alabaren argazkirik agertzea adierazi eskolan eta kenduko ditugu.

2007-2008 ikasturteko 1. hiruhileko menuak eskura dituzu eskuineko zutoinean ikus dezakezun plateraren gainean.