Alegiako eskolako ikasleen txokoa

Baratzeko pikuak
hiru txorten ditu (Bis)
neska mutil-zaleak
hankak arin ditu
ai, oi, ei, hankak arin ditu
Baratzeko pikuak
hiru txorten ditu.

Hankak arinak eta
burua arinago (Bis)
dantzan hobeki daki
arto jorran baino.
ai, oi, ei, arto jorran baino
Hankak arinak eta
burua arinago.

Baratza itxura ederra hartzen ari da, batez ere, Joseba, Txarli, Eider eta Iñakiren lanari esker. Baina badauzkagu beste asmo batzuk: lorategi berria osatu, baratza sasiz garbitu, hesia kimatu… Horretarako, ikasle guztien gurasoei laguntza eskatu nahi dizuegu, eta laster deia jasoko duzue abenduaren 15ean, larunbata, baratzera lanera etortzeko. Badaukagu guraso asko etorriko zareten esperantza. Zuen kasua bada, utzi abenduaren 15erako zenituzten planak eta hurbildu eskolara.

2007-2008 ikasturtean zabalduko ditugun irrati saioak blog bakarrean zerrendatzeko asmoa daukagu.
Blogsomekin egindako saioak huts egin digunez, oraingoz, beste blog zerbitzu hau, Blogger, aprobetxatu dugu.
Blog honetan bakarrik irrati saioak sartzeko asmoa daukagu, denak orden bati jarraituz sailkatuz.

Jantokia eta sukaldearen handitze lanak amaitu zituzten (Manuel eta Dolores bizi ziren etxea aprobetxatuz), ez ordea berritzekoak. Oraingoz, Haur Hezkuntzako ikasleek jarraitzen dute musika gelan bazkaltzen, aurreko ikasturtean bezala, ez baitituzte beraientzat mahaiak ekarri. Eta Lehen Hezkuntzakoak dagokien lekuan baina, batzuk, aldi baterako jarri ditugun mahai batzuetan. Argazkiak ikusteko hemen sakatu.
Sukaldea berriz, osatu gabe jarraitzen du eta ez oso egoera onean. Lehenbailehen bukatuko duten esperantza daukagu. Ea horrela den.

Hasi gara goiz eta arratsaldez eskolan eta, honekin batera, eskola-kiroletarako entrenatzen. Aurretik ere bidali dizuegu etxeetara entrenamentuen ordutegia. Oraingoan, partidetarako egutegia azaldu nahi dizuegu orrialde honetan. Mezu honi erantsita jarri dugun fitxategian eskolan dauden bi mailako egutegiak agertzen dira, Benjaminak eta Alebinak. Benjaminetan kategoria bakarra dago; alebinetan, aldiz, nesken eta mutilen egutegiak ikusiko dituzue. Gainera, Tolosaldean eskubaloian edo saskibaloian parte hartzeko aukera izango dute gaztetxoek.
Fitxategian, hiru orrialde aurkituko dituzue: lehena, benjaminena; bigarrena, alebinena; eta hirugarrena, entrenamentuetakoa.
http://docs.google.com/Doc?id=dfznq3sw_83dm94jw

2007-2008 ikasturteko 1. hiruhileko menuak eskura dituzu eskuineko zutoinean ikus dezakezun plateraren gainean.

Urtero aurkezpen batzuk prestatzen ditugu ikasleekin. Oraindik hasi gabe gaudenez horrelako lanetan, 2003-2004 ikasturtean gure ikasle ohi batzuk burututako lanak jarri dizkizuegu. Listorraren istorioa.  Alegiko eraikinak.

2006ko maiatzaren 26an, Alegiko hainbat guraso eta ikaslek osteratxoa egin genuen Ikaztegietaraino. Jarraian, Alegiko frontoian ginkanan aritu ginen. Etxean argazki gehiago baduzue, gurekin konpartitu ditzakezue. Horretarako, formato digitalean eskolara bidali eta argitaratu ahal izango ditugu. Animo!!!

2007-2008 ikasturterako asmo berriak ditugu: Azaroaren 3an (zubia), beste bizikleta festa egun bat antolatu nahi dugu, Langaurre txirrinulari taldearen laguntzarekin. Zuen partaidetza ere ezinbestekoa izango da, nahiz iritzia emateko, nahiz egun horretan parte hartzeko.

Argazkiak ikusteko sakatu helbide honetan eta aukeratu Ver como presentación :

Aregazkiak ikusi

Aurten ere Olentzero izan da gure eskolan, Haur Hezkuntzako neska-mutilekin izan zen.

2006-12-22               2 urteko gela.

2006-12-22               3 urteko gela.

2006-12-22               4 urteko gela.

2006-12-22               5 urteko gela.

Aurreko batean, duela urte batzuk eskola kirolean parte hartu zuten ikasle ohi batzuen argazkiak eskegi genituen  ikasleen blogean. Oraingoan, 1987-1988 ikasturtean ateratako argazkiak argitaratuko ditugu. Dokumentazio lana hobetu daiteke baina lan hori zuen artean animatzen utziko diogu. Beraz, interesatuta bazaudete, badago zuen ekarpenak argitaratzeko bidea ere blog honetan.

Halaber, beste argazki batzuk konpartitu nahi badituzue, oraingoz badaukagu nahikoa leku zuen irudiak zintzilikatu eta horiek ikusiz, disfrutatzeko.

Argazkiak ikusteko sakatu irudian.

Urtero bezala, azaroaren 20an Haurraren Egun Unibertsala ospatuko da munduan. Eskolako ikasleak ari gara egun honen inguruan lantxo batzuk egiten. Hala ere, gogorarazi nahi dizuegu badagoela haurren eskubideak definitzen dituen agiria. Arartekoare web gunean daukaten agiria ikusi nahi baduzu, jarraian agertzen orrialdean sar zaitezke http://www.ararteko.net/webs/pdf/haurren-agiria.pdf

5. eta 6. mailako ikasleen iritziak ikusi nahi badituzu, sartu honako helbide honetan http://alegiakoikasle.blogsome.com/56/